آئی ایم ایف کا پروگرام ہر صورت بحال ہوگا اور رواں ماہ چیزیں بہتر ہوجائینگی: مفتاح

اسلام آباد: وزیر خزانہ مفتاح اسماعیل نے کہا ہے کہ آئی ایم ایف کا پروگرام ہر صورت بحال ہونے جارہا ہے اور رواں ماہ چیزیں بہتر ہوجائیں گی۔

جیو نیوز کے پروگرام آج شاہ زیب خانزادہ کے ساتھ میں گفتگو کرتے ہوئے مفتاح اسماعیل نے کہا کہ درآمدات کنٹرول کرلیں اور ڈیفالٹ کا خطرہ ختم ہوگیا ہے، ایک دوست ملک نے یقین دہانی کرادی ہے جب کہ دوسرا بھی ایک دو دن میں کرادے گا۔

انہوں نے کہا کہ اب ڈالر کی ڈیمانڈ کم اور سپلائی زیادہ ہے، اسی لیے روپے کی قدر میں بہتری آئی جب کہ آئی ایم ایف کا پروگرام ہر صورت بحال ہونے جارہا ہے، رواں ماہ چیزیں بہتر ہوجائیں گی۔

ملکی تاریخ میں پہلی بار ڈالرکے مقابلے میں روپےکی قدر میں سب سے زیادہ اضافہ

اوپن مارکیٹ میں آج ڈالر کا بھاؤ 11.50 روپے کم ہوا ہے

وزیر خزانہ کا کہنا تھا کہ پارٹی کے اکثر ساتھی مجھے سپورٹ کرتے ہیں، کچھ میں تشویش ہے اور کچھ جلن میں میرے خلاف مہم چلاتے ہیں۔

خیال  رہے کہ گزشتہ روز انٹربینک میں کاروبار کے اختتام تک ڈالر کی قدر میں مجموعی طور پر 9 روپے 58 پیسے کمی آئی جس سے ڈالر 228 روپے 80 پیسے پر بند ہوا۔