05 اگست ، 2022 
دنیا کے دوسرے بڑے اسٹریٹجک کارگو ہوائی جہاز کی کراچی آمد اور روانگی
05 اگست ، 2022
کراچی کے ائیر پورٹ پر دنیا کے دوسرے بڑے اسٹریٹجک کارگو ہوائی جہاز نے لینڈ کرنے کے بعد دوبارہ اڑان بھر لی۔
یوکرین جنگ میں تباہ شدہ انٹونوف مریا این 225 کے بعد دنیا کے سب سے بڑے اسٹریٹجک ہوائی جہاز انٹونوف این 124 رسلان نے جمعہ کی صبح کراچی کے جناح انٹرنیشنل ائیرپورٹ پر لینڈنگ کی اور ری فیولنگ کے بعد اگلی منزل پر روانہ ہوگیا۔
سول ایوی ایشن ذرائع کے مطابق انٹونوف اے این 124 رسلان جمعہ کی صبح 5 بجکر 55 منٹ پر قطر کے دارالحکومت دوحہ سے کراچی کے جناح انٹرنیشنل ائیرپورٹ پہنچا۔
کراچی ائیرپورٹ پر ری فیولنگ کے بعد انٹونوف این 124 جمعہ کی صبح ٹھیک 9 بجے بنگلہ دیش کے دارالحکومت ڈھاکہ کے لیے روانہ ہوگیا۔
انٹونوف این 124 رسلان 1980 کی دہائی میں یوکرینی ایس ایس آر میں انٹونوف ڈیزائن بیورو کے ذریعے ڈیزائن کیا گیا تھا۔
An-124 مجموعی وزن میں دنیا کا دوسرا سب سے بھاری پروڈکشن کارگو طیارہ اور سب سے بھاری آپریٹنگ کارگو ہوائی جہاز ہے، جو رواں برس فروری میں یوکرین میں روسی فوجیوں کے حملے میں تباہ کیے گئے دنیا کے سب سے بڑے اور 6 انجن والے ہوائی جہاز Antonov An-225 مریا کے بعد ڈیزائن کردہ ہے۔
An-124 کو اس وقت سروس میں سب سے بڑا فوجی ٹرانسپورٹ ہوائی جہاز کا درجہ حاصل ہے۔
مزید خبریں :
روس کا یوکرین پر اب تک کا سب سے بڑا ڈرون حملہ
12 گھنٹے پہلے
سعودی عرب کے مختلف شہروں میں آج بارش کا امکان، اسکول بند
26 نومبر ، 2024
کینیڈا: زو کیپر کی غفلت سے 2 سالہ گوریلا ہلاک
26 نومبر ، 2024
امریکا کے نومنتخب صدر ڈونلڈ ٹرمپ کے خلاف 6 جنوری کا کیس ختم
26 نومبر ، 2024
اسرائیل اور حزب اللہ کے درمیان جنگ بندی معاہدہ جلد ہونےکا امکان
25 نومبر ، 2024
