پاکستان
05 اگست ، 2022

ممنوعہ فنڈنگ کیس، ایف آئی اے نے تحقیقات کیلئے 5 رکنی مانیٹرنگ کمیٹی بھی قائم کردی

ایف آئی اے نے فنڈنگ کے ذرائع یعنی کمپنیوں اور افراد کے بینک اکاؤنٹس اور مالی معاملات کی تفصیلات حاصل کرنا شروع کردی: حکام— فوٹو: فائل
ایف آئی اے نے فنڈنگ کے ذرائع یعنی کمپنیوں اور افراد کے بینک اکاؤنٹس اور مالی معاملات کی تفصیلات حاصل کرنا شروع کردی: حکام— فوٹو: فائل 

وفاقی تحقیقاتی ایجنسی (ایف آئی اے) نے پاکستان تحریک انصاف (پی ٹی آئی) کی ممنوعہ فنڈنگ کی باقاعدہ تحقیقات کا آغاز کردیا۔

ایف آئی اے نے تحقیقات کو جامع شکل دینے کیلئے گریڈ 20 کے افسر کی سربراہی میں 5رکنی مانیٹرنگ کمیٹی قائم کی ہے جس کے سربراہ ڈاکٹر اطہر وحید ہوں گے اور دیگر افسران معاونت کریں گے۔

حکام کے مطابق ایف آئی اے نے فنڈنگ کے ذرائع یعنی کمپنیوں اور افراد کے بینک اکاؤنٹس اور مالی معاملات کی تفصیلات حاصل کرنا شروع کردی، اس سلسلے میں سکیورٹیز اینڈ ایکسچینج کمیشن سے کمپنیوں کا ریکارڈ بھی حاصل کیا جارہا ہے۔

حکام نے بتایا کہ ‏کسٹمز اور اِنکم ٹیکس حکام کے تعاون سے مالی گوشواروں اور امپورٹ ایکسپورٹ کا ریکارڈ بھی حاصل کیا جا رہا ہے، تمام زونز اپنے دائرہ اختیار میں آنے والی کمپنیوں اور افراد کی تحقیقات کریں گے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM