06 اگست ، 2022 
پاکستان
چیف سیکرٹری پنجاب کامران افضل نے کام جاری رکھنے سے معذرت کی تھی— فوٹو: فائل
وفاقی حکومت کی چیف سیکرٹری پنجاب کو فی الحال کام جاری رکھنے کی ہدایت
06 اگست ، 2022
وفاقی حکومت نے چیف سیکرٹری پنجاب کامران علی افضل کو فی الحال کام جاری رکھنے کی ہدایت کردی۔
چیف سیکرٹری پنجاب کامران افضل نے کام جاری رکھنے سے معذرت کی تھی اور اس حوالے سے انہوں نے اسٹیبلشمنٹ ڈویژن کو مراسلہ بھی لکھا ہے۔
ذرائع کے مطابق چیف سیکرٹری پنجاب کامران افضل نے عملی طور پر بھی کام چھوڑ دیا تھا اور وہ پنجاب کابینہ کے اجلاس اور وزرا کی حلف برداری کی تقریب میں بھی غیر حاضر تھے۔
تاہم اب وفاقی حکومت نے چیف سیکرٹری پنجاب کامران علی افضل کوفی الحال کام جاری رکھنے کی ہدایت کی ہے۔
ذرائع کے مطابق وفاقی حکومت نے ہدایت کی کہ کامران علی افضل محرم الحرام اورامن وامان کے پیش نظرپنجاب میں کام جاری رکھیں۔
