07 اگست ، 2022 
یوٹیوب میں ویڈیوز کو زوم کرنے کا فیچر متعارف
07 اگست ، 2022
یوٹیوب میں ایک نئے فیچر کو متعارف کرایا جارہا ہے جس سے صارفین کسی بھی ویڈیو میں زوم کرسکیں گے۔
یوٹیوب کی موبائل ایپ میں اس فیچر کی آزمائش کی جارہی ہے مگر یہ صرف پریمیم سبسکرائبرز کو دستیاب ہے۔
پنچ ٹو زوم نامی فیچر میں پورٹریٹ یا فل اسکرین ویو میں بھی ویڈیو کو زوم کرنا ممکن ہوگا۔
کمپنی کے مطابق اس فیچر کی آزمائش یکم ستمبر تک جاری رہے گی جس کے بعد امکان ہے کہ اسے زیادہ بڑے پیمانے پر متعارف کرایا جائے گا۔
ایک ماہ کی آزمائش کے بعد صارفین کے فیڈ بیک کے مطابق فیچرمیں تبدیلیاں کرکے اسے متعارف کرایا جائے گا۔
اگر آپ یوٹیوب پریمیم کے سبسکرائبر ہیں تو اس فیچر کو استعمال کرسکتے ہیں۔
اس کے لیے فون یا ویب سائٹ پر یوٹیوب سیٹنگز مینیو اوپن کریں اور وہاں 'ٹرائی نیو فیچر' سیکشن میں جائیں۔
اس فیچر سے 8x زوم کرنا ممکن ہوگا مگر یہ واضح نہیں کہ کمپنی کی جانب سے یہ فیچر عام صارفین کے لیے بھی متعارف کرایا جائے گا یا نہیں۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
