25 جولائی ، 2022 
گوگل میٹ پر ویڈیو میٹنگ کو یوٹیوب پر لائیو اسٹریم کرنا ممکن
25 جولائی ، 2022
گوگل کی ویڈیو کانفرنسنگ سروس میٹ میں اب صارفین اپنی میٹنگ کو یوٹیوب پر لائیو اسٹریم کرسکیں گے۔
کمپنی کی جانب سے بتایا گیا کہ صارف اس فیچر کو گوگل میٹ کے ایکٹیویٹیز سیکشن میں جاکر ان ایبل کرسکتے ہیں، جہاں لائیو اسٹریمنگ آپشن موجود ہوگا۔
صارفین کو میٹنگ کو لائیو اسٹریم کرنے کے لیے اپنے یوٹیوب چینل کو سلیکٹ کرنا ہوگا۔
کمپنی کے مطابق یہ فیچر ایسے افراد کے لیے کارآمد ہوگا جو زیادہ ناظرین کے خواہشمند ہوتے ہیں۔
اس فیچر میں ویڈیو کو روکنے، ری پلے اور میٹنگ مکمل ہونے کے بعد دوبارہ دیکھنے جیسی سہولیات دستیاب ہوں گی۔
گوگل نے بتایا کہ صارف کو لائیو اسٹریمنگ کے لیے پہلے اپنے یوٹیوب چینل کی منظوری دینا ہوگی جس کے بعد ہی یہ فیچر استعمال کیا جاسکے گا۔
ویسے تو میٹنگ میں شامل کوئی بھی فرد لائیو اسٹریم کرسکتا ہے مگر میٹنگ کا ہوسٹ اور کو ہوسٹ چاہے تو دیگر افراد کے لیے یہ آپشن ڈس ایبل کرسکتے ہیں۔
یہ فیچر تمام صارفین کو آنے والے ہفتوں میں دستیاب ہوگا۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
