ممنوعہ فنڈنگ کیس: اسد قیصر کا ایف آئی اے میں طلبی کو چیلنج کرنے کا فیصلہ

اسلام آباد: سابق اسپیکر قومی اسمبلی اسد قیصر نے ایف آئی اے کے نوٹس کو عدالت میں چیلنج کرنے کا فیصلہ کیا  ہے۔

پی ٹی آئی رہنما اسد قیصر ممنوعہ  فنڈنگ کیس میں ایف آئی اے کی جانب سے طلبی کے نوٹس کو پشاور ہائیکورٹ میں چیلنج کرنے پہنچے۔

ایف آئی اے نے ممنوعہ فنڈنگ کیس میں پوچھ گچھ کے لیے اسد قیصر کو 11 اگست کو طلب کررکھا ہے جس کےخلاف وہ عدالت میں رٹ پٹیشن دائر کریں گے۔

اسد قیصر کو بھیجے گئے نوٹس میں کہا گیا ہے کہ تحریک انصاف ممنوعہ فنڈنگ کیس کے فیصلے کے مطابق آپ کے 2 بینک اکاؤنٹس ہیں، اسد قیصر 2 بینک اکاؤنٹس کھولنے اور انہیں چلانے سے منسلک ہیں لہٰذا انکوائری ٹیم کے سامنے ذاتی حیثیت میں حاضر ہوں اور بینک اکاؤنٹس کے بارے میں سوالات کے جواب دیں۔

خیال رہے کہ الیکشن کمیشن کی جانب سے ممنوعہ فنڈنگ کیس کے فیصلے کے بعد ایف آئی اے نے بھی پاکستان تحریک انصاف کے رہنماؤں اور دفتری ملازمین سے تفتیش شروع کر دی ہے۔

ممنوعہ فنڈنگ کیس: اسد قیصر نے ایف آئی اے نوٹس موصول ہونے کی تصدیق کردی

تمام ریکارڈ موجود ہے، ایف آئی اے کے سامنے پیش کروں گا، ایسے اوچھے ہتھکنڈوں سے گھبرانے والا نہیں ہوں: سابق اسپیکر قومی اسمبلی

ممنوعہ فنڈنگ کا معاملہ، ایف آئی اے نے اسد قیصر کو طلب کر لیا

اسد قیصر کو 11 اگست کو ایف ائی اے خیبر پختوانخوا آفس میں پیش ہونے کا کہا گیا ہے۔