11 اگست ، 2022 
نیپرا نے کراچی کے صارفین کو بجلی کی قیمتوں کا بڑا جھٹکا لگا دیا
11 اگست ، 2022
نیپرا نے کراچی کے صارفین کو بجلی کی قیمتوں کا بڑا جھٹکا لگا دیا، کراچی کے صارفین کیلئے بجلی فی یونٹ 11 روپے 10 پیسے مہنگی کردی گئی۔
نیپرا حکام کے مطابق بجلی جون کی فیول چارجز ایڈجسٹمنٹ کے تحت مہنگی کی گئی ہے جبکہ کے الیکٹرک نے 11 روپے 39 پیسے فی یونٹ اضافے کی درخواست کی تھی۔
بجلی مہنگی ہونے سے کراچی کے صارفین پر 25 ارب روپے سے زیادہ اضافی بوجھ منتقل ہو گا، نیپرا کے مطابق بجلی جون کی فیول پرائس ایڈجسٹمنٹ کے ذریعے ایک ماہ کیلئے مہنگی کی گئی ہے۔
نیپرا کی جانب سے جاری نوٹیفیکیشن کے مطابق بجلی کی قیمتوں میں اضافے کا اطلاق صرف اگست اورستمبر کے بلوں پر ہوگا۔
جون کا ایف سی اے صارفین سے 2 ماہ میں وصول کیا جائے گا، اگست میں صارفین سے 3 روپے 1 پیسہ چارج کیا جائے گا جبکہ ستمبر میں صارفین سے 8 روپے 9 پیسے چارج کیا جائے گا۔
اس سے قبل کراچی کے صارفین مئی کی فیول پرائس ایڈجسٹمنٹ کا 7 روپے 91 پیسے فی یونٹ اضافہ بھی بجلی کی مد میں ادا کر رہے ہیں۔
مزید خبریں :
ملتان میں فضائی معیار آج بھی انتہائی مضر صحت
2 گھنٹے پہلے
کراچی: مٹی کا تودہ گرنے سے 2 مزدور جاں بحق، ایک زخمی
9 گھنٹے پہلے
