11 اگست ، 2022 
مہیلا جے وردھنے نے بابر اعظم کے بارے میں کیا پیش گوئی کی؟
11 اگست ، 2022
سری لنکن لیجنڈ مہیلا جے وردھنے نے بابر اعظم کے بارے میں پیش گوئی کرتے ہوئے کہا ہے کہ بابر اعظم تینوں فارمیٹ کے نمبر ون بیٹر بن سکتے ہیں۔
جے وردھنے نے کہا کہ پاکستانی کپتان ٹیسٹ رینکنگ میں جو روٹ کو پیچھے چھوڑنے کی صلاحیت رکھتے ہیں، بابر اعظم تسلسل کے ساتھ کھیل رہے ہیں، ان کے پاس ٹاپ پر رہنے کا موقع ہے۔
سابق سری لنکن کپتان نے مزید کہا کہ بابر نیچرل ٹیلنٹ ہے، وہ ہر طرح کی کنڈیشنز میں پرفارم کرتا ہے، ٹی ٹوئنٹی اور ون ڈے میں مقابلہ سخت ہے مگر بابر ان میں بھی ٹاپ پر ہے، پاکستان ٹیم میں بابر کا کافی اہم کردار ہے۔
مہیلا جے وردھنے نے کہا کہ اگر وہ یوں ہی پرفارم کرتا رہا تو وہ مزید بہتر ہوجائے گا، بطور کپتان بھی بابر اعظم خود پر ذمہ داری لیتا ہے، کوئی بھی فارمیٹ ہو، بابر اعظم پریشان نہیں ہوتا، اس کی تکنیک بہترین ہے۔
