اگر شہباز گِل پر فوجی عدالت میں مقدمہ چلا تو مریم، فضل الرحمان اور نواز شریف پر بھی بھی چلنا چاہیے‘

لاہور: ایڈووکیٹ جنرل پنجاب کا کہنا ہےکہ انہیں شہباز گل پر فوجی عدالت میں مقدمہ چلانے پر کوئی اعتراض نہیں۔

جیو نیوز کے پروگرام کیپیٹل ٹاک میں گفتگو کرتےہوئے  ایڈووکیٹ جنرل پنجاب احمد اویس نے کہا کہ شہباز گل کا بیان تحریک انصاف کی پالیسی کے مطابق نہیں ہے اور ان کے خلاف فوجی عدالت میں مقدمہ چلانے پر کوئی اعتراض نہیں ہے۔

فوج سے متعلق بیان: شہباز گل کا تفتیش میں مزید ناموں کا انکشاف،گرفتاریوں کا امکان

نجی ٹی وی چینل اور شہباز گل کے بیان سے متعلقہ افراد کو گرفتار کیے جانے کا امکان ہے، پولیس ذرائع

احمد اویس ایڈووکیٹ نے کہا کہ اگر شہباز گِل پر فوجی عدالت میں مقدمہ چلتا ہے تو مریم نواز، مولانا فضل الرحمان اور نواز شریف کے خلاف بھی فوجی عدالت میں مقدمہ چلنا چاہیے ۔

دوسری جانب  وزیر مملکت برائے پیٹرولیم سینیٹر مصدق ملک کا کہنا تھا کہ  سب کو پکڑنا ہے تو پکڑ لیں ، اگر شہباز گل کے خلاف فوجی عدالت میں مقدمہ چل سکتا ہے تو چلنا چاہیے۔