دبئی … تیسرے ون ڈے میں انگلینڈ نے پاکستان کو 9وکٹوں سے شکست دیکر چار میچوں کی سیریز 3صفر سے جیت لی،سیریز چوتھا اور آخری میچ21فروری کو دبئی میں کھیلا جائے گا ۔ ٹیسٹ سیریز میں پاکستان کے ہاتھوں وائٹ واش شکست کے بعد انگلش ٹیم بپھری ہوئی نظر آئی اور ابتدائی تینوں میچوں میں پاکستان کو کسی مرحلے پر میچ جیتنے کا موقع فراہم نہیں کیا ۔پہلے دو میچوں میں سنچری بنانے والے کک نے آج بھی عمدہ اننگ کھیلی اور80رنز بناکر آؤٹ ہو گئے پاکستانی بولرز کو ملنے والی یہ واحد انگلش وکٹ تھی جو سعید اجمل نے حاصل کی ۔انگلینڈ کے لئے خوش خبری یہ ہے پیٹر سن فارم میں آگئے ہیں انہوں نے شاندار سنچری اسکور کی اور نا قابل شکست رہے۔ قبل ازیں پاکستانی کپتان مصباح الحق نے ٹاس جیت کر بیٹنگ کا فیصلہ کیا تاہم پاکستان کی پوری ٹیم مقررہ 50 اوورز میں 222 رنز بنا کر آوٴٹ ہوگئی۔ کپتان سمیت پاکستان کے ابتدائی 5 بیٹسمین محض 97 رنز پر پویلین لوٹ چکے تھے تاہم پاکستان نے شاہد آفریدی اور عمر اکمل کی نصف سنچریوں کی بدولت انگلینڈ کو جیت کے لئے 223 رنز کا ہدف دیا ۔