بھارت سے آنیوالے خصوصی طیارے میں کراچی سے دبئی روانہ ہونیوالے مسافر کون تھے؟

جیونیوز نے بھارت سے آنے والے خصوصی طیارے میں کراچی سے  دبئی روانہ ہونے والے 12 مسافروں کی فہرست حاصل کرلی۔

گزشتہ روز بھارت کے راجیو گاندھی انٹرنیشنل ائیرپورٹ سے آنے والے خصوصی طیارے نے کراچی ائیرپورٹ پر لینڈنگ کی۔

ذرائع نے بتایا کہ خصوصی طیارہ دوپہر ساڑھے 12 بجے کراچی کے جناح انٹرنیشنل ائیرپورٹ پر اترا اور 12 مسافروں کو لے کر ایک بج کر 20 منٹ پر دبئی روانہ ہوا۔

بھارتی حیدرآباد سے خصوصی طیارے کی کراچی آمد، 12 مسافر لیکر دبئی روانہ

یہ بین الاقوامی چارٹر پرواز تھی، بھارت سے آمد کے سوا اور کوئی تعلق نہیں: ایوی ایشن ذرائع

ذرائع کے مطابق حیدرآباد دکن سےآنے والے طیارے میں دبئی روانہ ہونے والوں میں 10  پاکستانی اور 2 امریکی شہریت کے افراد شامل تھے۔

جیونیوز کو حاصل کردہ فہرست کے مطابق مسافروں میں محمد عثمان عالم، عباد بنٹوری ،زینب راٹھور،یاسر حبیب ،عمر علی منصور،خالد قاسم ، روہن ظفر سوبانی،محمد یوسف عالم ،حماد مقصود اسماعیل، الماس مقبول اور دو امریکی شہری فاطمہ اور مقصود اسماعیل شامل تھے ۔  

ایوی ایشن ذرائع کے مطابق یہ بین الاقوامی چارٹر پرواز تھی، بھارت سے آمد کے سوا اور کوئی تعلق نہیں۔