عدالت کا ٹوئٹر کو جعلی اکاؤنٹس سے متعلق دستاویزات ایلون مسک کو فراہم کرنے کا حکم

عدالت نے ٹوئٹرکو جعلی اکاؤنٹس سے متعلق دستاویزات ایلون مسک کو فراہم کرنے کا حکم جاری کردیا ہے۔

ایلون مسک کے خلاف ٹوئٹر کی درخواست کے بعد اس قانونی جنگ میں جعلی اکاؤنٹس کا معاملہ مرکزی نکتے کی حیثیت اختیار کر گیا ہے۔

عدالت نے ٹوئٹرخریداری معاہدے سے متعلق ایلون مسک کے خلاف دائر درخواست کی سماعت کے موقعے پر ٹوئٹر انتظامیہ کو حکم جاری کیا ہے کہ وہ ایلون مسک کو جعلی اکاؤنٹس سے متعلق ٹوئٹر کے سابق ایگزیکٹو کے دستاویزات فراہم کرے۔

 ایلون مسک نے عدالت میں مؤقف اختیار کیا تھا کہ ٹوئٹر کے کنزیومر پراڈکٹ کے سابق جنرل مینیجر وہ اہم شخصیت تھے جنہوں نے ٹوئٹر کے پلیٹارم پر جعلی اکاؤنٹس کی تعداد معلوم کرنے کے سلسلے میں کافی معلومات جمع کی تھی۔

ایلون مسک نے عدالت میں ٹوئٹر پر کیا الزام لگایا؟

ایلون مسک سے قبل ٹوئٹر نے عدالت میں پیش کیا گیا اپنا موقف عوام کے سامنے رکھ دیا تھا جس کے جواب میں ایلون مسک کی جانب سے عدالت میں داخل کیا گیا اپنا جواب عوام کے سامنے پیش کیا گیا ہے۔

عدالت کی جانب سے ٹوئٹر  انتظامیہ کو حکم جاری کیا گیا ہے کہ سابق جنرل مینیجر کنزیومر پراڈکٹ سے جمع شدہ معلومات پر مبنی دستاویزات حاصل کرکے انہیں ریویو کرنے کے بعد ایلون مسک کو فراہم کرے۔

 عدالتی حکم نامے کے مطابق ایلون مسک کی جانب سے سوال و جواب کیلئے ٹوئٹر سے 21 دیگر افراد کی تفصیلات حاصل کرنے کی درخواست کو مسترد کیا گیا ہے۔