پاکستان
17 اگست ، 2022

شہباز گل کو اغوا اور تشدد کیا گیا، یہ سازش کا حصہ ہے: عمران خان

سابق وزیراعظم عمران خان نے ٹوئٹر پر بیان جاری کیا: فائل فوٹو
سابق وزیراعظم عمران خان نے ٹوئٹر پر بیان جاری کیا: فائل فوٹو

اسلام آباد: سابق وزیراعظم عمران خان نے اپنے چیف آف اسٹاف شہبازگل کے جسمانی ریمانڈ پر تشویش کا اظہار کیا ہے۔

ٹوئٹر پر جاری بیان میں عمران خان نے کہا کہ شہبازگل کو دوبارہ پولیس ریمانڈ پر دیا جانا انتہائی تشویشناک ہے، تشدد کے باعث ان کی ذہنی اور جسمانی صحت کی حالت نازک ہے۔

انہوں نے کہا کہ شہبازگل پر یہ تشدد اس وقت کیا گیا جب انہیں اغوا اور نامعلوم مقام پر رکھا گیا، ان پر دوبارہ تشدد تھانے میں کیا گیا، یہ سازش کا حصہ ہے۔

عمران خان کا کہنا تھا کہ زبردستی غلط بیان لینے کے لیے یہ سب کیاجارہا ہے جیسے سوشل میڈیا کارکنوں کےساتھ کیا گیا، یہ مکمل طور پر ناقابل قبول ہے، یہ مجھے اور تحریک انصاف کو ٹارگٹ بنانے کے لیے سازش کا حصہ ہے، ہم شہبازگل پر تشدد سے نمٹنے کے لیے تمام قانونی اور سیاسی کارروائی کریں گے۔


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM