18 اگست ، 2022 
پاکستان
قطع نظر اس سے کہ آپ اس سے کتنا اختلاف یا نا پسند کرتے ہیں، کسی شخص کی عزت نفس کو اس طرح پامال نہیں کیا جانا چاہیے: رہنما پیپلز پارٹی— فوٹو: فائل
شہباز گل پر جسمانی تشدد کی انتہائی پریشان کن تصویریں دیکھی ہیں: مصطفیٰ نواز
18 اگست ، 2022
اسلام آباد : رہنما پیپلز پارٹی سینیٹر مصطفیٰ نواز کھوکھر کا کہنا ہے کہ تحریک انصاف کے رہنما شہباز گل پر جسمانی تشدد کی انتہائی پریشان کن تصویریں دیکھی ہیں۔
سینیٹر مصطفیٰ نواز کھوکھر نے مزید کہا کہ قطع نظر اس سے کہ آپ اس سے کتنا اختلاف یا نا پسند کرتے ہیں، کسی شخص کی عزت نفس کو اس طرح پامال نہیں کیا جانا چاہیے۔
مصطفیٰ نواز کھوکھر نے مزید کہا کہ شہباز حکومت ملوث ہے یا ایسی بربریت کو روکنے میں بے بس! یہ ہمارےلیے شرم کی بات ہے۔
خیال رہے کہ شہباز گل کو فوج کیخلاف بیان دینے کے الزام میں گرفتار کیا گیا ہے اور عمران خان بھی بار ہا یہ دعویٰ کر چکے ہیں کہ پولیس نے شہباز گل پر برہنہ کرکے تشدد کیا اور ان کی عزت نفس کو پامال کیا گیا۔
