شہباز گِل جب تک زیر علاج ہیں پولیس تفتیش نہیں کر سکتی: سربراہ میڈیکل بورڈ

اسلام آباد: تحریک انصاف کے رہنما شہباز گل کا طبی معائنہ کرنے کیلئے قائم میڈیکل بورڈ کے سربراہ ڈاکٹر خالد نے پولیس کو مراسلہ بھیجا ہے۔

آہ و بکا مچی ہے شہباز گِل پر تشدد ہوگیا، کیا واقعی ایسا ہوا؟ عدالت نے آئی جی سے رپورٹ طلب کرلی

میڈیکل رپورٹ کے مطابق کوئی تشدد نہیں ہوا، سانس کی تکلیف کا بتایا گیا، آئی جی اسلام آباد، شہباز گِل پمز اسپتال میں بے ہوشی کی حالت میں ہیں، فیصل چوہدری کا عدالت میں بیان

ذرائع کاکہنا ہے کہ ڈاکٹر خالد نے مراسلے میں لکھا ہے کہ شہباز گِل جب تک اسپتال میں زیر علاج ہیں پولیس تفتیش نہیں کر سکتی۔

اسپتال ذرائع کا کہنا ہے کہ شہباز گل کو اسپتال سے ڈسچارج کرنے کا فیصلہ حتمی میڈیکل رپورٹ کے بعد کیا جائے گا۔

علاوہ ازیں ترجمان اسلام آباد پولیس کا کہنا ہے کہ عدالت کے حکم پر  وکلا کے 8 رکنی وفد نے شہبازگِل سے  پمز میں ملاقات کی ہے، وکلا کے وفد کی شہباز گل سے ملاقات ایک گھنٹہ جاری رہی۔