19 اگست ، 2022 
عمران خان کی زیرقیادت اسلام آباد میں ریلی کے معاملے پر ڈپٹی کمشنر کا انتباہ
19 اگست ، 2022
شہباز گل کی گرفتاری کیخلاف عمران خان کی زیرقیادت اسلام آباد میں ریلی کے معاملے پر ڈپٹی کشمنر اسلام آباد نے انتباہ جاری کردیا۔
ڈپٹی کمشنر کا کہنا ہے کہ اسلام آباد میں 5 سے زائد افراد کےکسی بھی جگہ اکٹھا ہونے پر پابندی ہے، اسلام آباد انتظامیہ کی جانب سے یہ پابندی 23جولائی2022سے عائد ہے، ہر قسم کے اجتماع، جلسے اور جلوس اور ریلی وغیرہ پر پابندی عائد ہے۔
ڈی سی نے کہا کہ کسی بھی جگہ پر جلسے، جلوس، ریلی اور لوگوں کے اجتماع کی اجازت نہیں ہے، کسی بھی جگہ پر پانچ سے زائد افراد اکٹھے نہ ہوں، خلاف ورزی کرنے والوں کے خلاف قانون کے مطابق ایکشن لیا جائے گا۔
خیال رہے کہ فواد چوہدری کے مطابق اسلام آباد میں ریلی شام 7 بجے زیروپوائنٹ سے شروع ہوکر ایف 9 پارک پر ختم ہوگی۔
