22 اگست ، 2022 
پاکستان
بارش کے پانی کی وجہ سے لوگ بےگھر ہیں اور زیادہ تر علاقوں میں پانی جمع ہونے کے باعث پولنگ اسٹیشنز تک رسائی ممکن نہیں، ڈی سیز کا خط— فوٹو: فائل
بلدیاتی انتخابات ملتوی کیے جائیں: حیدرآباد ڈویژن کے ڈی سیز کا الیکشن کمیشن کو خط
22 اگست ، 2022
حیدرآباد ڈویژن کے کئی ڈپٹی کمشنرز نے بلدیاتی انتخابات ملتوی کرنے کیلئے الیکشن کمیشن کو خط لکھ دیا۔
الیکشن کمیشن کو خط جامشورو، ٹنڈوالہ یار اور دیگر اضلاع کے ڈپٹی کمشنرز کی جانب سے لکھے گئے ہیں۔
ضلعی انتظامیہ کی جانب خط میں الیکشن کمیشن سے بلدیاتی انتخابات ملتوی کرنے کی اپیل کی گئی ہے۔
خط کے متن کے مطابق بارش کے پانی کی وجہ سے لوگ بےگھر ہیں اور زیادہ تر علاقوں میں پانی جمع ہے جس کے باعث پولنگ اسٹیشنز تک رسائی ممکن نہیں۔
خیال رہے کہ صوبہ سندھ میں بلدیاتی انتخابات کے دوسرے مرحلے میں کراچی سمیت کئی شہروں میں 28 اگست کو پولنگ ہوگی۔
اس سے قبل بھی بلدیاتی انتخابات بارشوں کے باعث ملتوی کیے گئے تھے۔
