26 اگست ، 2022 
18 سال بعد فیس بک نے صارفین کی بڑی مشکل کا حل پیش کردیا
26 اگست ، 2022
میٹا کی جانب سے فیس بک یا انسٹاگرام کے ایسے صارفین کے لیے سپورٹ فراہم کرنے کا عمل آسان بنانے کا فیصلہ کیا ہے جن کے اکاؤنٹس یا پوسٹس کو ڈیلیٹ کردیا جاتا ہے۔
ایک رپورٹ کے مطابق میٹا کے نائب صدر برینٹ ہیرس نے بتایا کہ کمپنی کی جانب سے کسٹمر سروس سپورٹ پر کافی کام کیا جارہا ہے۔
درحقیقت فیس بک کے قیام کے 18 سال بعد میٹا نے کسٹمر سروس ڈویژن کو تشکیل دینے کا فیصلہ کیا ہے۔
ابھی یہ واضح نہیں کہ کسٹمر سروس ڈویژن کیا کام کرے گا۔
2021 میں کمپنی نے لائیو چیٹ سپورٹ پروگرام کی آزمائش شروع کی تھی اور کچھ صارفین ضرورت پڑنے پر میٹا سے تعلق رکھنے والے کسی عہدیدار سے بات کرسکتے تھے۔
اس وقت کمپنی نے بتایا تھا کہ یہ پہلی بار ہے جب فیس بک میں لاک اکاؤنٹس پر صارفین کو رئیل ٹائم میں مدد فراہم کی جارہی ہے۔
فیس بک نے کسٹمر سروس ڈویژن کے حوالے سے ابھی کوئی بیان جاری نہیں کیا ہے۔
رپورٹ کے مطابق میٹا کی جانب سے کسٹمر سپورٹ کو بہتر کرنے کا سلسلہ اس کے اوور سائیٹ بورڈ کے فیڈ بیک کا نتیجہ ہے۔
فیس بک کے اس خودمختار ادارے کو میٹا کے فیصلوں کی مانیٹرنگ اور بدلنے کے لیے قائم کیا گیا تھا اور اب تک اسے 10 لاکھ کے قریب افراد کی درخواستیں موصول ہوچکی ہیں۔
مزید خبریں :
ایسے منفرد سولر پینل تیار جو رات کو بھی بجلی پیدا کرسکتے ہیں
30 دسمبر ، 2024
تمام اسمارٹ فونز کے لیے اب صرف ایک چارجر استعمال ہوگا
29 دسمبر ، 2024
یوٹیوب میں ایک نئے گیم چینجر فیچر کا اضافہ
29 دسمبر ، 2024
وہ آسان ٹِرکس جو اینڈرائیڈ فونز کی اسپیڈ تیز کرتی ہیں
29 دسمبر ، 2024
