سندھ میں سیلاب فنڈ کی کٹوتی میں جوڈیشل افسران اور ملازمین کو استثنیٰ مل گیا
26 اگست ، 2022
سندھ میں سرکاری ملازمین کی تنخواہ سے سیلاب فنڈ کی کٹوتی میں جوڈیشل افسران اورملازمین کواستثنیٰ مل گیا۔
محکمہ خزانہ سندھ نے جوڈیشل افسران اورملازمین کواستثنیٰ دینے کا نوٹیفکیشن جاری کردیا۔
نوٹیفکیشن کے مطابق تمام سرکٹ برانچز اور ضلعی عدالتوں کےافسران اورملازمین کی تنخواہ سےکٹوتی نہیں ہوگی۔
خیال رہے کہ گزشتہ دنوں حکومت سندھ نے سیلاب متاثرین کیلئے ’سندھ فلڈ ریلیف فنڈ‘ قائم کیا تھا ۔ سندھ حکومت نے گریڈ 17 سے 22 کے افسران 5 دن کی تنخواہ جبکہ گریڈ ایک سے 16 تک کے ملازمین کی دو دن کی تنخواہ ریلیف فنڈ میں دینے کا اعلان کیا تھا۔
