29 اگست ، 2022 
بھارت کیخلاف پاکستان ٹیم میں کس کھلاڑی کی کمی محسوس ہوئی؟شعیب ملک نے بتادیا
29 اگست ، 2022
ایشیا کپ ٹی ٹوئنٹی ٹورنامنٹ کے گروپ میچ میں بھارت نے پاکستان کو سنسنی خیز مقابلے کے بعد آخری اوور میں 5 وکٹوں سے شکست دی۔
بھارت نے پاکستان کا 148 رنز کا ہدف آخری اوور میں 5 وکٹوں کے نقصان پر پورا کیا، بھارت کی جانب سے رویندرا جڈیجا اور ویرات کوہلی 35،35 رنز بناکر نمایاں رہے۔
پاکستان کرکٹ ٹیم کے سابق کپتان شعیب ملک، فاسٹ بولر شاہین شاہ اور محمد وسیم جونیئر پاک بھارت ٹاکرا دیکھنے کے لیے اسٹیڈیم میں موجود تھے۔
میچ دیکھتے ہوئے شعیب ملک نے دبئی انٹرنیشنل کرکٹ اسٹیڈیم میں شاہین شاہ کے ساتھ بیٹھتے ہوئے ایک ویڈیو ریکارڈ کی جس میں انہوں نے کہا کہ' آج ہم بھارت کے خلاف میچ میں سب سے زیادہ فاسٹ بولر شاہین شاہ آفریدی کی کمی محسوس کر رہے ہیں'۔
بعد ازاں سابق کپتان نے یہ ویڈیوسوشل پر اپ لوڈ کی۔ویڈیو میں شاہین آفریدی کو شیعب ملک کے ہمراہ مسکراتے ہوئے دیکھا گیا۔
واضح رہے کہ شاہین آفریدی اور محمد وسیم جونیئر انجری کے باعث ایشیا کپ سے باہر ہیں لیکن قومی ٹیم کے ساتھ ہی دبئی میں موجود ہیں۔
