فخر زمان کے آؤٹ پر میمز وائرل، بھارتی اداکار کا بھی بیٹر کو سلیوٹ

پاکستانی بلے باز فخر زمان کے آؤٹ ہونے پر سوشل میڈیا پر میمز وائرل ہیں جب کہ بھارتی اداکار اور بگ باس سیزن 14 کے امیدوار علی گونی نے فخر کی ایمانداری پر انہیں سلام پیش کیا۔ 

گزشتہ روز پاک بھارت میچ میں کئی ایسے لمحات آئے جنہوں نے شائقین کرکٹ کا دل جیت لیا، ان ہی میں سے ایک لمحہ وہ تھا جب  اہم میچ میں فخر زمان نے اسپورٹس مین اسپرٹ کا اعلیٰ مظاہرہ کیا۔

 پاکستانی اننگز کے چھٹے اوور میں بھارتی بولر اویش خان نے گیند کروائی جو فخرکے بلے کو معمولی سی چھوتے ہوئے بھارتی کیپر دنیش کارتھک کے ہاتھوں میں گئی۔

فخر زمان کا بھارت کیخلاف اعلیٰ اسپورٹس مین اسپرٹ کا مظاہرہ،سوشل میڈیا صارفین کی تعریفیں

فخر زمان بھارت کے خلاف 6 گیندوں پر 10 رنز پر آؤٹ ہوئے ۔

بھارتی ٹیم کی جانب سے فوراً اپیل نہیں کی گئی لیکن فخر زمان نے اسپورٹس مین اسپرٹ کا مظاہرہ کیا اور امپائر کے فیصلے سے پہلے ہی کریز چھوڑ دی،فخر نے کریز چھوڑی تو امپائر نے بھی آؤٹ دے دیا۔

اسی حوالے سے اداکار علی گونی فخر کے مداح ہوگئے اور انہوں نے اپنی ٹوئٹ میں کرکٹر کی تعریف کی۔

علی نے ٹوئٹ میں کہا 'کیا زبردست اسپورٹس مین اسپرٹ کا مظاہرہ کیا گیا، آپ عزت کے قابل ہیں'۔ ساتھ ہی انہوں سلام پیش کرنے والا ایموجی بھی بنایا۔

دوسری جانب کچھ سوشل میڈیا صارفین نے فخر زمان کی ایمانداری پر میمز بھی بنائیں اور اظہار خیال کیا کہ فخر کو کریز نہیں چھوڑی چاہیے تھی، انہیں امپائر کے اشارے کا انتظار کرنا چاہیے تھا۔

کچھ میمز دیکھیں: