شوکت ترین نے محسن لغاری اور تیمور جھگڑا سے بات کی تو اس میں کیا غلط ہے؟ اسد عمر

پی ٹی آئی کے رہنما اسد عمر نے  شوکت ترین کی پنجاب اور خیبرپختونخوا کے وزرائے خزانہ سے ٹیلی فونک بات چیت منظر عام   آنے  پر رد عمل کا اظہار کیا ہے۔

اسلام آباد میں پریس  کانفرنس کرتے ہوئے اسد عمر نے کہا کہ اگر شوکت ترین نے محسن لغاری اور تیمور جھگڑا سے بات کی ہے تو کون سی غلط بات ہے، شوکت ترین نے پنجاب اور کے پی کے وزیرخزانہ کو کہا کہ وفاق کو کہو کہ ہمارے پاس سیلاب آگیا ہے۔

انہوں نے کہا کہ شوکت ترین نے دونوں وزرائے خزانہ کو کہا کہ وفاق کو کہیں کہ ہمارے پاس سرپلس نہیں، شوکت ترین کی آڈیو میں کٹ پیسٹ کی گئی ہے، یہ کام پہلے بھی یہ کرتے رہے ہیں۔

پی ٹی آئی کا آئی ایم ایف ڈیل ناکام بنانے کی سازش کا بھانڈا پھوٹ گیا

سابق وزیر خزانہ شوکت ترین کی پنجاب اور خیبرپختونخوا کے وزرائے خزانہ سے ٹیلی فونک گفتگو کی آڈیو لیک سامنے آگئی۔

پی ٹی آئی رہنما کا کہنا تھا کہ تیمور جھگڑا نے وفاقی حکومت کو خط لکھا جس میں کہا گیا کہ کچھ اقدامات ہیں جو وفاق کو کرنے پڑیں گے، خیبرپختونخوا کے وزیرخزانہ کو دو مہینے ملاقات کا وقت نہیں دیا گیا، اب جب خط لکھا تو کیسے ملاقات کا وقت نکل آیا۔ 

اسد عمر نے مزید کہا کہ آپ پہلے بھی سیاست کررہے تھے، پچھلے دو دن سے بھی سیاست کررہے ہیں، حقیقت ابھی تک صرف ایک خط ہے باقی سب صرف رولا ہے  جو بھی بات چیت ہوئی اس کا آخری نتیجہ خط ہے۔