30 اگست ، 2022 
سیلاب متاثرین کے درمیان ایم این اے امیر جیلانی کی منرل واٹر سے پاؤں دھونے کی ویڈیو وائرل
30 اگست ، 2022
ملک میں سیلاب کی تباہ کاریوں کے دلخراش اور ناقابل فراموش مناظر سے جہاں پوری قوم ایک افسردگی کے عالم میں ہے وہاں بعض ایسے مناظر بھی سامنے آرہے ہیں جنہیں سخت تنقید کا نشانہ بنایا جارہا ہے۔
ایسی ہی ایک ویڈیو سندھ سے سامنے آئی ہے جو ممبر قومی اسمبلی امیر علی شاہ جیلانی کی ہے۔
ویڈیو سانگھڑ کے شہر کھپرو کی ہے جہاں پیپلزپارٹی کے رکن قومی اسمبلی امیر علی شاہ جیلانی کو چارپائی پر بیٹھے دیکھا جاسکتا ہے، اس موقع پر کہیں ان پر کوئی ہاتھ سے پنکھا جھل رہا ہے تو کہیں کوئی انہیں پانی کی بوتل پیش کررہا ہے۔
سوشل میڈیا پر یہ ویڈیو تیزی سے وائرل ہو رہی ہے جس میں امیر علی شاہ جیلانی کو منرل واٹر سے پاؤں دھوتے بھی دیکھا گیا۔
امیر علی شاہ جیلانی تھرپارکر1سے پیپلز پارٹی کے رکن قومی اسمبلی ہیں۔
