31 اگست ، 2022 
منگنی کے فوٹو شوٹ کے دوران آسمانی بجلی گرنے سے دولہا ہلاک
31 اگست ، 2022
چین میں ایک افسوس ناک واقعہ پیش آیا جہاں منگنی کے فوٹو شوٹ کے دوران آسمانی بجلی گرنے سے دولہا ہلاک ہوگیا۔
غیر ملکی میڈیا رپورٹس کے مطابق یہ واقعہ گزشتہ ہفتے چین کے صوبے یننان میں پیش آیا جہاں منگنی کی ایک تقریب جاری تھی جس میں خاتون اور دولہے کا فوٹو شوٹ کیا جارہا تھا کہ اچانک آسمانی بجلی گری جس کے زد میں دولہا آگیا۔
رپورٹس کے مطابق دولہے روان کو آسمانی بجلی گرنے کی زد میں آنے کے باعث فوراً اسپتال منتقل کیا گیا لیکن وہ جانبر نہ ہوسکا۔
حکام کا کہنا ہے کہ علاقے میں گرج چمک کے ساتھ بارش اور طوفان کی پیش گوئی کی گئی تھی لیکن پھر بھی جوڑے نے منگنی کی تقریب منعقد کی۔
رپورٹس کے مطابق آسمانی بجلی گرنے کے باعث منگنی کی تقریب میں موجود دیگر افراد محفوظ رہے۔
مزید خبریں :
کتے کی اپنے مالک کے ساتھ پیراگلائیڈنگ کی ویڈیو وائرل
19 نومبر ، 2024
منفرد کیفے جہاں لوگوں کو تابوت کے اندر رہنے کا موقع دیا جاتا ہے
15 نومبر ، 2024
