انٹرٹینمنٹ
01 ستمبر ، 2022

مرد کے گناہ سے ایک گھر جبکہ عورت کے گناہ سے ایک نسل کا نقصان ہوتا ہے: خلیل قمر

مجھے بھی بالی وڈ سے پیشکش ہوئی لیکن میں نہیں گیا مجھے کرن جوہر کے علاوہ ہر طرف سے پیشکش آئی لیکن میں نے الحمداللہ انکار کردیا: خلیل الرحمان
 مجھے بھی بالی وڈ سے پیشکش ہوئی لیکن میں نہیں گیا مجھے کرن جوہر کے علاوہ ہر طرف سے پیشکش آئی لیکن میں نے الحمداللہ انکار کردیا: خلیل الرحمان

معروف مصنف اور  ڈرامہ رائٹر خلیل الرحمان قمر کا کہنا ہے کہ مرد جب گناہ کرتا ہے تو ایک گھر کا نقصان ہوتا ہے لیکن جب عورت گناہ کرتی ہے تو  ایک نسل کا نقصان ہوتا ہے۔

خلیل الرحمان قمر اداکارہ سارہ لورین کے ساتھ نجی ٹی وی کے شو میں شریک ہوئے جس دوران انھوں نے مختلف موضوعات پر گفتگو کی۔

دوران  شو ایک سوال پر  بات کرتے ہوئے ان کا کہنا تھا کہ ہمیں سمجھنا ہوگا کہ جب مرد گناہ کرتا ہے تو ایک گھر کا نقصان ہوتا ہے لیکن جب عورت گناہ کرتی ہے تو ایک نسل کا نقصان ہوتا ہے۔

خلیل الرحمان نے کہا کہ میں مرد اور عورت دونوں میں سے کسی کو اس حوالے سے جگہ نہیں دیتا لیکن یہ سچ ہے کہ ایک عورت کی ذمہ داریاں زیادہ ہیں کیوں کہ ایک اچھی عورت رتبے میں ایک اچھے مرد سے اتنی بڑی ہے کہ آپ سوچ بھی نہیں سکتے۔

خلیل الرحمان کا سارہ لورین پر اظہار برہمی

ہوا کچھ یوں کہ سارہ لورین نے بالی وڈ کیریئر سے متعلق بات کرتے ہوئے  شو میں بتایا کہ ’میں میڈم نور جہاں کو خراج عقیدت پیش کرنے کے لیے ایک اسٹیج شو کر رہی تھی جس میں ہدایتکار مہیش بھٹ بھی شریک تھے، میں نے کسی سے کہا کہ بھٹ کو میں نظر نہیں آرہی جس کے بعد میری زبان کے الفاظ پورے ہوگئے اور میرا کیریئر ان ہی کے ساتھ شروع ہوا‘ ۔

سارہ لورین کی بات پر  خلیل الرحمان نے برہمی کا اظہار کرتے ہوئے کہا کہ ’انڈیا میں کسی کا کیریئر شروع نہیں ہو سکتا، ہمارے کئی اداکار بھی گئے کیا ان کا کیریئر بنا، ہمیں شرم آنی چاہیے اس بات پر کیوں کہ مجھے بھی بالی وڈ سے پیشکش ہوئی لیکن میں نہیں گیا، مجھے کرن جوہر کے علاوہ ہر طرف سے پیشکش آئی لیکن میں نے انکار کر دیا۔

خلیل الرحمان قمر کا کہنا تھا کہ جب تک دونوں ملکوں کے حالات ٹھیک نہیں ہو جاتے اور مجھے وہ عزت نہیں ملتی میں بھارت میں کبھی بھی نہیں اتروں گا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM