پاکستان
14 ستمبر ، 2022

دفاعی ادارے کے سربراہ کی تقرری، وزیراعظم کا صوابدیدی اختیار ختم ہونا چاہیے: سراج الحق

حکمران جماعتیں دفاعی اداروں کو سیاست کیلئے استعمال نہ کریں اور اسٹیبلشمنٹ بھی سیاست سے دور رہے: سراج الحق — فوٹو: فائل
حکمران جماعتیں دفاعی اداروں کو سیاست کیلئے استعمال نہ کریں اور اسٹیبلشمنٹ بھی سیاست سے دور رہے: سراج الحق — فوٹو: فائل

امیر جماعت اسلامی سراج الحق نے مطالبہ کیا ہے دفاعی ادارے کے سربراہ کی تقرری کیلئے وزیراعظم کا صوابدیدی اختیار ختم ہونا چاہیے۔

ان کا کہنا تھا کہ دفاعی ادارے کے سربراہ کی تقرری چیف جسٹس سپریم کورٹ کی طرز پر ہونی چاہیے۔

امیر جماعت اسلامی سراج الحق نے اپنے ایک بیان میں کہا ہے کہ پی ڈی ایم اورپی ٹی آئی کی سیاست اسٹیبلشمنٹ کی مرہون منت ہے۔

ان کا کہنا تھا کہ حکمران جماعتیں دفاعی اداروں کو سیاست کیلئے استعمال نہ کریں اور اسٹیبلشمنٹ بھی سیاست سے دور رہے۔

انہوں نے کہا کہ دفاعی ادارے کے سربراہ کی تقرری کیلئے وزیراعظم کا صوابدیدی اختیار ختم ہونا چاہیے، دفاعی ادارے کے سربراہ کی تقرری بھی چیف جسٹس سپریم کورٹ کی طرز پرہونی چاہیے۔

سراج الحق نے کہا کہ جماعت اسلامی چاہتی ہے کہ الیکشن کمیشن اورعدلیہ مکمل طور پر غیر جانبدار ہوں۔

امیر جماعت اسلامی کا کہنا تھا کہ جب تمام ادارے اپنی حدود میں رہیں گے تو ملک آگے بڑھے گا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM