15 ستمبر ، 2022 
گندم کی قیمت ملکی تاریخ میں ریکارڈ سطح پر پہنچ گئی
15 ستمبر ، 2022
پاکستان میں گندم کی قیمت نے 75سالہ تمام ریکارڈ توڑ دیے ہیں۔
14ستمبر 2022 کو اوپن مارکیٹ میں وفاقی دارالحکومت اسلام آباد اور راولپنڈی سمیت ملک بھر میں گندم کی ریکارڈ گرانی ہو گئی ہے۔
ملکی تاریخ میں پہلی دفعہ جڑواں شہروں میں گندم کی قیمت 3560روپے سے 3600 روپے فی 40 کلو گرام تک پہنچ گئی ہے۔ اگر حکومت نے سرکاری کوٹے میں فوری اضافہ نہ کیا تو اوپن مارکیٹ میں گندم مافیا اپنے غیر قانونی سٹاکس کی قیمت تیزی سے بڑھائے گا۔
مارکیٹ میں 3600 روپے فی 40 کلو گرام تک گندم کی قیمت ہونے کے نتیجے میں وفاقی دارالحکومت اسلام آباد اور راولپنڈی کی 200 سے زائد فلور ملوں نے 15 کلو آٹے کے تھیلے کی قیمت جو پہلے 1300 روپے ہوا کرتی تھی اسے 1500 سے 1600 روپے تک کر دیا ہے۔
حکومت پنجاب نے اگر فلور ملوں کو سرکاری کوٹہ 16، 17 ہزار ٹن سے بڑھا کر 24، 25 ہزار ٹن تک نہ کیا تو پاکستان فلور ملز ایسوسی ایشن شمالی پنجاب کے وائس چیئرمین عاطف ندیم مرزا کے مطابق پورے ملک میں روٹی‘ نان‘ ڈبل روٹی‘ بیکری کی اشیاء کی قیمتیں اسی تناسب سے چند روز میں بڑھ جائیں گی۔
نوٹ: یہ خبر 15 ستمبر 2022 کے جنگ اخبار میں شائع ہوئی ہے
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
5 گھنٹے پہلے
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
