15 ستمبر ، 2022 
افغانستان کے خلاف تاریخی چھکے لگانے والا بلا نسیم شاہ نے کسے عطیہ کیا؟
15 ستمبر ، 2022
پاکستانی فاسٹ بولر نسیم شاہ نے ایشیا کپ میں افغانستان کے خلاف دو تاریخی چھکے لگانے والا بلا سیلاب متاثرین کی مدد کے لیے شاہد آفریدی فاؤنڈیشن کو عطیہ کر دیا۔
سوشل میڈیا پر شیئر کی گئی ویڈیو میں نسیم نے اپنا بلا سیلاب متاثرین کی مدد کے لیے عطیہ کرنے کا اعلان کیا۔
ویڈیو میں نسیم شاہ کا بلا پکڑےکہنا تھا کہ اس بلے سے میں نے افغانستان کے خلاف تاریخی چھکے لگائے، یہ میرے لیے بہت قیمتی ہے لیکن اب پاکستان میں سیلاب کی صورتحال کو دیکھتے ہوئے میں یہ بلا شاہد آفریدی فاؤنڈیشن کو عطیہ کر رہا ہوں۔
فاسٹ بولر نے بلا شاہد آفریدی فاؤنڈیشن کو دینے کی وجہ بتاتے ہوئے کہا کہ جب بھی پاکستان میں کوئی مصیبت آتی ہے تو شاہد آفریدی پاکستانیوں کی بہت مدد کرتے ہیں اور اس بلے کو دینے سے پہلے بھی میں نے ان سے درخواست کی ہے کہ وہ اس کے ذریعے میرے علاقے لوئر دیر اور سوات میں سیلاب متاثرین کی مدد کریں۔
نسیم شاہ کا کہنا تھا کہ شاہد بھائی ہم آپ کے پیچھے ہیں اور ہماری دعائیں آپ کے ساتھ ہیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
