سیلاب کے باوجود پاکستان میں چینی کی اچھی پیداوار متوقع
16 ستمبر ، 2022
ملک میں سیلاب اور بارشوں کی تباہی کے باوجود رواں سال چینی کی اچھی پیداوار متوقع ہے۔
ذرائع شوگر ملز ایسوسی ایشن کے مطابق رواں سال چینی کی پیداوار کا تخمینہ 80 لاکھ میٹرک ٹن متوقع ہے جبکہ گزشتہ سال ملک میں چینی کی پیداوار 70 لاکھ 90 ہزار میٹرک ٹن ہوئی تھی۔
ذرائع کا بتانا ہے کہ بارشوں اور سیلاب کا پانی گنے کی فصل کے لیے فائدہ مند رہا، بارشوں اور سیلاب کے باعث مجموعی طور پر 5 فیصد گنے کی فصل کو نقصان پہنچا۔
شوگر ملز ایسوسی ایشن کے ذرائع کا کہنا ہے کہ گزشتہ سال کی نسبت رواں سال گنے کی 9 فیصد زائد فصل کاشت ہوئی تھی، نومبر کے تیسرے ہفتے میں گنے کی کرشنگ شروع کی جائے گی۔
