18 ستمبر ، 2022 
سیلاب سے متاثرہ پاکستان کو دی گئی امداد قطرے سے زیادہ نہیں: امریکی سینیٹر
18 ستمبر ، 2022
امریکی سینیٹ کی خارجہ تعلقات کمیٹی کےچیئرمین باب میننڈیز کا کہنا ہے کہ سیلاب سے متاثرہ پاکستان کو دی گئی امداد ایک قطرے سے زیادہ نہیں۔
نیوجرسی میں تقریب سےخطاب کرتے ہوئے سینیٹر باب میننڈیز نے پاکستان میں سیلاب سے ہونے والی تباہی پر کہا کہ پاکستان کے لیے انٹرنیشنل ڈونرز کانفرنس کا انعقاد کیا جانا چاہیے اور امریکا کی جانب سے ڈیزاسٹرپیکیج دیا جانا چاہیے، اس کے ساتھ آئی ایم ایف کی طرف سے بھی پاکستان کو مزید ریلیف ملنا چاہیے۔
انہوں نے کہا کہ یوکرین اور افغانستان کی طرح امریکا میں مقیم پاکستانیوں کو عارضی تحفظ کا درجہ دینے کا مطالبہ کرتے ہیں اور وہ یہ معاملہ خود صدر جوبائیڈن کےسامنے رکھیں گے۔
اس کے علاوہ پاکستان کا دورہ کرنے والی رکن کانگریس شیلا جیکسن نے بھی آنکھوں دیکھا حال امریکی ایوان نمائندگان کو بتایا اور کہا کہ پاکستان میں سیلابی پانی نکلنے میں 6 ماہ سے زیادہ کا عرصہ لگ سکتا ہے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
