19 ستمبر ، 2022 
پاکستان
ملزمان کے خلاف انسدادِ منشیات ایکٹ کے تحت مقدمہ درج کرکے مزید تفتیش کا آغاز کر دیا گیا ہے/فوٹوجیو نیوز
فوٹوجیو نیوز
اے این ایف کی کراچی میں کارروائی، کاروں سے بھاری مقدار میں منشیات برآمد
19 ستمبر ، 2022
اینٹی نارکوٹکس فورس نے کراچی میں ایک بڑی کارروائی کرتے ہوئے کاروں کے خفیہ خانوں میں چھپائی گئی منشیات برآمد کرلی۔
ترجمان اے این ایف کے مطابق مین کورنگی روڈ پر کی گئی کارروائی میں 3 موٹر کاروں کے خُفیہ خانوں میں مہارت سے چھپائی گئی منشیات ضبط کی گئی ہے۔
کارروائی خفیہ اطلاع پر کی گئی جس دوران مجموعی طور پر تین کاروں سے 252 کلوگرام چرس برآمد ہوئی، کارروائی کے دوران 4 ملزمان کو موقع پرگرفتارکر لیا گیا۔
ملزمان کے خلاف انسدادِ منشیات ایکٹ کے تحت مقدمہ درج کرکے مزید تفتیش کا آغاز کر دیا گیا ہے۔
