20 ستمبر ، 2022 
17 سال بعد انگلینڈ ٹیم کا پاکستان آنا تاریخی موقع ہے، برطانوی ہائی کمشنر
20 ستمبر ، 2022
پاکستان میں برطانیہ کے ہائی کمشنر کرسٹن ٹرنر کا کہنا ہے کہ 17 سال بعد انگلینڈ ٹیم کا پاکستان آنا تاریخی موقع ہے۔
نیشنل اسٹیڈیم کراچی میں پاکستان اور انگلینڈ کے درمیان پہلا ٹی ٹوئنٹی میچ دیکھنے آئےکرسٹن ٹرنر نے جیو نیوز سے گفتگو کرتے ہوئے کہا کہ میں ذاتی طور پر اس دورے پر بہت پر جوش ہوں۔
انہوں نےکہا کہ میں تین سال قبل جب آیا تھا تب سے خواہش تھی کہ انگلینڈ کی ٹیم آئے، گزشتہ چند ماہ دونوں ملکوں کیلئے مشکل گز رے، امید ہے آج کا میچ موڈ بہتر کرے گا۔
برطانوی ہائی کمشنر کا کہنا تھا کہ انگلینڈ کی ٹیم بھی فلڈ ریلیف کیلئے عطیہ دے رہی ہے، ہم سب ساتھ ہیں،کرکٹ ہمارے خون میں ہے،اس دورے کیلئے سب نے بہت محنت کی ہے۔
کرسٹن ٹرنر نے مزید کہا کہ آج کیلئے انگلینڈ کی شرٹ تیار ہے مگر نتیجہ دوسرا ہوا تو پاکستان کی شرٹ بھی ہے۔
مزید خبریں :
