21 ستمبر ، 2022 
کراچی: برطرف پولیس اہلکار سے درجنوں جعلی شناختی کارڈز اور اہم مہریں برآمد
21 ستمبر ، 2022
کراچی کے علاقے بلوچ پاڑہ میں کامبنگ آپریشن کے دوران پولیس کے برطرف اہلکار کو گرفتار کر لیا گیا۔
پولیس کے مطابق بر طرف اہلکار سے درجنوں جعلی شناختی کارڈز برآمد کیے گئے، برآمد شناختی کارڈز میں سے 33 مرد اور 23 خواتین کے ہیں۔
پولیس کا بتانا ہے کہ گرفتار اہلکار سے 2 لیپ ٹاپس، ڈپٹی کمشنر کی جعلی مہریں اور جعلی سرٹیفکیٹس بنانےکا مواد بھی برآمد کیا گیا ہے۔
دوسری جانب فیڈرل بی ایریا بلاک 17 میں دن دیہاڑے ڈکیتی کی واردات ہوئی ہے جس دوران موٹرسائیکل سوار 3 ملزمان شہری سے موٹرسائیکل چھین کر فرار ہو گئے۔
ادھر کورنگی نمبر3 میں فائرنگ سے ایک شخص ہلاک ہوگیا، پولیس کا بتانا ہے کہ لاش کو پوسٹ مارٹم کے لیے اسپتال منتقل کر دیا گیا ہے اور واقعے کی تحقیقات شروع کر دی گئی ہیں۔
