21 ستمبر ، 2022 
ذیابیطس کے مریضوں کی اوسط عمر کئی سال کم ہوجاتی ہے، تحقیق
21 ستمبر ، 2022
ذیابیطس ٹائپ 2 سے مردوں اور خواتین میں جلد موت کا خطرہ بڑھ جاتا ہے۔
یہ بات برطانیہ میں ہونے والی ایک نئی طبی تحقیق میں سامنے آئی۔
سالفورڈ رائل ہاسپٹل کی تحقیق میں بتایا گیا کہ ذیابیطس ٹائپ 2 سے متاثر خواتین کی اوسط عمر صحت مند خواتین کے مقابلے میں 5 سال کم ہوتی ہے۔
اسی طرح ذیابیطس کے شکار مردوں کی اوسط عمر ساڑھے 4 سال تک کم ہوجاتی ہے۔
اس تحقیق میں 12 ہزار کے قریب مریضوں کے ڈیٹا کی جانچ پڑتال کی گئی تھی جن کی صحت کا جائزہ ایک دہائی تک لیا گیا تھا۔
تحقیق کے دوران 3921 مریض ہلاک ہوگئے تھے۔
تحقیق میں دریافت کیا گیا کہ ذیابیطس ٹائپ 2 سے متاثر خواتین میں جلد موت کا خطرہ صحت مند خواتین کے مقابلے میں 60 فیصد زیادہ ہوتا ہے ۔
مردوں میں یہ خطرہ 44 فیصد تک بڑھ جاتا ہے۔
تحقیق میں یہ بھی دریافت ہوا کہ تمباکو نوشی سے ذیابیطس ٹائپ 2 کے مریضوں کی اوسط عمر 10 سال گھٹ جاتی ہے اور جلد موت کا خطرہ 100 فیصد تک بڑھ جاتا ہے۔
تحقیق کے مطابق 65 سال کی عمر سے پہلے ذیابیطس کی تشخیص سے جلد موت کا خطرہ 93 فیصد تک بڑھ جاتا ہے۔
محققین کا کہنا تھا کہ نتائج سے عندیہ ملتا ہے کہ خواتین، تمباکو نوشی کے عادی یا جوانی میں اس مرض سے متاثر ہونے والوں میں ذیابیطس ٹائپ 2 سے جلد موت کا خطرہ زیادہ ہوتا ہے۔
انہوں نے کہا کہ نتائج سے لوگوں کو علم ہوگا کہ ذیابیطس ٹائپ 2 کتنا خطرناک مرض ہے جو زندگی کے ہر پہلو کو متاثر کرسکتا ہے۔
اس تحقیق کے نتائج یورپین ایسوسی ایشن فار دی اسٹڈی آف Diabetes کانفرنس میں پیش کیے گئے۔
مزید خبریں :
ہڈیوں کو کمزور بنا دینے والی عام غلطیاں جو بیشتر افراد کرتے ہیں
22 دسمبر ، 2024
کیا زیادہ پانی پینے سے صحت کو فائدہ ہوتا ہے؟
22 دسمبر ، 2024
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
ڈپریشن جیسے عام مرض سے بچنے کا آسان ترین طریقہ
17 دسمبر ، 2024
