پاک انگلینڈ پہلے ٹی 20 میچ سے ایک کروڑ 30 لاکھ روپےکی گیٹ منی جمع

فوٹو: @TheRealPCB
فوٹو: @TheRealPCB

پاکستان انگلینڈ سیریز کے پہلے ٹی ٹوئنٹی انٹرنیشنل میچ سے ایک کروڑ  30 لاکھ روپے کی گیٹ منی اکٹھی ہوئی جو کہ سیلاب زدگان کے لیے قائم پرائم منسٹر فلڈ ریلیف فنڈ میں جمع کروائی جائےگی۔

چیئرمین پاکستان کرکٹ بورڈ (پی سی بی) رمیز راجہ کا کہنا ہےکہ کرکٹ نے ایک مرتبہ پھر پوری قوم کو متحدکرنے میں مددکی، اس عظیم مقصد میں حصہ ڈالنے پر تمام شائقین کرکٹ کے مشکور ہیں،  پی سی بی تمام سیلاب زدگان کے ساتھ کھڑا ہے۔

بورڈ کے چیف ایگزیکٹو فیصل حسنین کا کہنا تھا کہ کراچی کے تماشائیوں نے مون سون کی بارشوں سے آنے والے سیلاب سے متاثرہ افراد کی مدد کے لیے اپنا حصہ ڈالا، پہلے ٹی ٹوئنٹی میچ کے ذریعے فنڈز میں ایک چھوٹا حصہ ڈالنا پی سی بی کے لیے اعزاز ہے۔

 فیصل حسنین کا کہنا تھا کہ  یہ حصہ سیلاب متاثرین کی بحالی میں کام آئےگا، ضرورت کے اس وقت میں عوام کا متحد ہونا قابل ستائش ہے۔

مزید خبریں :