21 ستمبر ، 2022 
پریکٹس سیشن کی منسوخی کے بعد پاک انگلینڈ کھلاڑیوں نے ہوٹل میں مختلف گیمز کھیلے
21 ستمبر ، 2022
پاکستان اور انگلیند کی ٹیموں نے آج پریکٹس سیشن تو منسوخ کردیے البتہ ہوٹل میں ٹینس کھیلی اور انڈور گیمز میں بھی حصہ لیا،قومی کپتان بابر اعظم ہر کھیل میں پیش پیش رہے۔
پہلے ٹی ٹوئنٹی میچ کے بعد دونوں ٹیموں نے آج نیشنل اسٹیڈیم کراچی میں پریکٹس سیشن منسوخ کردیے، آرام تو کیا لیکن شام میں ہوٹل میں پاکستانی کرکٹر ٹینس کھیلنے کورٹ میں اتر گئے۔ بابر اعظم، محمد حارث اور محمد حسنین نے ٹینس کھیلی جبکہ حارث رؤف چیئر امپائر بن کر بیٹھ گئے۔
ٹینس کے دوران کھلاڑی ہلہ گلہ کرتے بھی نظر آئے۔ ہوٹل میں لگی ورچوئل گالف میں بھی کپتان بابر اعظم ایکشن میں رہے جبکہ انگلینڈ ٹیم کے کھلاڑی بھی ورچوئل گالف میں مصروف نظر آئے۔ پول ٹیبل پر بھی کھلاڑی ایکشن میں رہے جبکہ ٹیبل ٹینس میں بھی خوب رنگ جمایا۔
پاکستان اور انگلینڈ کے درمیان دوسرا ٹی ٹوئنٹی میچ کل نیشنل اسٹیڈیم کراچی میں کھیلا جائے گا۔
دوسرے میچ کے بھی تمام ٹکٹس فروخت ہوچکے ہیں، شائقین کیلئے اسٹیڈیم کے دروازے پانچ بجے کھول دیے جائیں گے جبکہ میچ ساڑھے 7 بجے شروع ہوگا۔ انگلینڈ کو 7 میچز کی سیریز میں 1-0 کی برتری حاصل ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
