27 ستمبر ، 2022 
واٹس ایپ کیمرےکا کونسا نیا فیچر متعارف کرانے جارہا ہے ؟
27 ستمبر ، 2022
پیغام رسانی کی ایپلی کیشن واٹس ایپ نے صارفین کی آسانی کے لیے ایک نئے فیچر پر کام کا آغاز کیا ہے جس میں یقیناً ہر شخص کی دلچسپی ہوگی۔
ویب سائٹ ویب بیٹا انفو کی رپورٹ کے مطابق ایپلی کیشن نے واٹس ایپ کے کیمرہ موڈ پر کام شروع کیا ہے جس کے تحت صارفین کیمرہ کھولنے کے بعد اسکرین پر دو بٹن دیکھ سکیں گے۔
اسکرین شاٹ میں دیکھا جاسکتا ہے کہ ایک بٹن 'ویڈیو' جب کہ دوسرا 'فوٹو' کا ہے یعنی تصاویر لیتے ہوئے آپ با آسانی ویڈیو کے بٹن پر کلک کرکے ویڈیو بناسکیں گے اور اسی طرح تصویر کے بٹن کو پریس کرکے تصویر لے سکیں گے۔
اس سے قبل واٹس ایپ کیمرا پر صرف ایک بٹن ہوا کرتا تھا جسے استعمال کرتے ہوئے تصاویر بھی لی جاتی تھیں اور ویڈیوز بھی بنائی جاتی تھیں۔
فی الحال واٹس ایپ کی جانب سے اس فیچر کو متعارف کرائے جانے کی حتمی تاریخ کا اعلان نہیں کیا گیا ہے۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
