ٹی ٹوئنٹی ورلڈکپ: پاکستان اگر آج فائنل جیت گیا تو کتنی انعامی رقم ملے گی؟

ٹی ٹوئنٹی ورلڈکپ کا  فائنل آج میلبرن گراؤنڈ میں  انگلینڈ اور پاکستان کے درمیان کھیلا جائے گا۔

آئی سی سی کی جانب سے کیے گئے اعلان کے مطابق ٹی ٹوئنٹی ورلڈ کپ کے لیے مجموعی انعامی رقم 56 لاکھ ڈالرز  رکھی گئی ہے۔

آئی سی سی کے مطابق ٹی ٹوئنٹی ورلڈ کپ کی فاتح ٹیم کو 16  لاکھ امریکی ڈالرز  ( 35 کروڑ 15 لاکھ 93 ہزار 280 پاکستانی روپے)ملیں گے جبکہ   ٹی ٹوئنٹی ورلڈکپ کی رنرز اپ ٹیم کو 8  لاکھ امریکی ڈالرز (17 کروڑ  57 لاکھ 96  ہزار 640 پاکستانی روپے)ملیں گے۔

آسٹریلوی لیجنڈ کی ورلڈ T20الیون، شاہین آفریدی بھی پہلے 5 کھلاڑیوں میں شامل

شاہین آفریدی ٹیم کو اٹھا کر رکھتے ہیں اور دیگر کھلاڑی ان کے پیچھے ہوتے ہیں: مارک وا

اعلان کے مطابق سیمی فائنلز ہارنے والی ٹیموں کو 4 ، 4 لاکھ امریکی ڈالرز جبکہ  سپر 12 مرحلے میں ہر جیت پر 40 ہزار امریکی ڈالرز  دیے جانے کا اعلان کیا گیا ہے۔

 دوسری جانب سپر 12 مرحلے سے باہر ہونے والی8  ٹیموں کو  70, 70 ہزار  امریکی ڈالرز دیے جائیں گے جبکہ پہلے راؤنڈ میں باہر ہونے والی ہر ٹیم کو  40 ہزار امریکی ڈالرز  دیے جائیں گے۔