وزیراعظم نے بہارہ کہو بائی پاس منصوبے کا سنگ بنیاد رکھ دیا

وزیراعظم شہباز شریف  نے اسلام آباد میں بہارہ کہو بائی پاس منصوبے کا سنگ بنیاد رکھ دیا۔

بہارہ کہو بائی پاس منصوبے کا سنگِ بنیاد رکھنے کی تقریب سے  خطاب کرتے ہوئے وزیراعظم  شہباز شریف کا کہنا تھا کہ بہارہ کہو مری روڈ پر گھنٹوں ٹریفک جام رہتا ہے لیکن اس  منصوبے سے شہر میں ٹریفک کا رش ختم ہوگا۔

وزیراعظم کا کہنا تھا کہ 5 اعشایہ 4 کلو  میٹر طویل منصوبےکو  4 ماہ کی ریکارڈ مدت میں مکمل کرنے کا ہدف ہے،  بہارہ کہو بائی پاس منصوبے کا کنٹریکٹ شفاف بولی کے ذریعے دیا گیا اور کمپنی کو منصوبے کی کوالٹی انتہائی معیاری رکھنے کا کہا گیا ہے۔

شہباز شریف کا کہنا تھا کہ منصوبہ تیار کرنے والی کمپنی کو ہدایت دی گئی ہیں کہ وہ اس منصوبے کو 3 ماہ میں مکمل کرے، ایسے منصوبے 3  ماہ کے بجائے ڈیرھ میں ماہ مکمل ہوتے رہے ہیں۔