کھیل
Time 04 اکتوبر ، 2022

’ اسٹیڈیم میں پرچی پرچی کے نعروں سے خوشدل شاہ اداس ہوگئے‘

خوشدل شاہ کے آؤٹ ہونے پر اسٹیڈیم میں موجود شائقین نے انہیں ڈریسنگ روم جاتا دیکھ کر پرچی پرچی کے نعرے لگائے/ فوٹو سوشل میڈیا
خوشدل شاہ کے آؤٹ ہونے پر اسٹیڈیم میں موجود شائقین نے انہیں ڈریسنگ روم جاتا دیکھ کر پرچی پرچی کے نعرے لگائے/ فوٹو سوشل میڈیا

قومی ٹیم کے مڈل آرڈر بیٹر خوشدل شاہ کو انگلینڈ کے خلاف سیریز کے آخری میچ میں خراب کارکردگی کے باعث تلخ تجربے کا سامنا رہا ۔

خوشدل شاہ کے آؤٹ ہونے پر اسٹیڈیم میں موجود شائقین نے انہیں ڈریسنگ روم جاتا دیکھ کر پرچی پرچی کے نعرے لگائے جس کی ویڈیو بھی سوشل میڈیا پر وائرل ہوگئی تھی۔

بعد ازاں بیٹر امام الحق کھلاڑیوں کی حمایت میں سامنے آئے اور ٹوئٹ کے ساتھ اسٹیڈیم کی ویڈیو شیئر کرتے ہوئے  شائقین کرکٹ سے کھلاڑیوں کو سپورٹ کرنے کی درخواست کی۔

اوپنر امام الحق نے ٹوئٹ پر واقعے کی ویڈیو اپ لوڈ کرتے ہوئے کہا کہ ' میری کرکٹ فینز سے درخواست ہے کہ وہ کھلاڑیوں پر آوازیں نہ کسیں ،آوازیں کسنے سے کھلاڑیوں کی صحت پر برے طریقے سے اثر پڑتا ہے۔

تاہم اب میڈیا رپورٹس میں دعویٰ کیا گیا ہے کہ نعرے سن کر خوشدل شاہ ڈریسنگ روم اداس ہوگئے تھے۔

واضح رہے کہ خوشدل شاہ نے سیریز کے 5 میچز میں 21 کی اوسط سے مجموعی طور پر 63 رنز بنائے تھے ۔

گزشتہ  اتوار کو 7 میچز پر مشتمل ٹی ٹوئنٹی سیریز کے آخری اور فیصلہ کن میچ میں انگلینڈ نے پاکستان کو باآسانی 67 رنز سے شکست دے کر سیریز 3-4 سے اپنے نام کرلی تھی۔

مزید خبریں :