04 اکتوبر ، 2022 
ایک ارب ڈالرز کے آئی فونز بھارت سے دیگر ممالک میں برآمد
04 اکتوبر ، 2022
ایپل کی جانب سے کافی عرصے سے بھارت میں آئی فونز کی پروڈکشن کی جارہی ہے مگر اب وہاں سے دیگر ممالک کے لیے ڈیوائسز کی برآمد میں نمایاں اضافہ ہوا ہے۔
بلومبرگ کی ایک رپورٹ کے مطابق اپریل سے اگست 2022 کے دوران ایپل نے بھارت سے ایک ارب ڈالرز کے آئی فونز دیگر ممالک میں برآمد کیے۔
رپورٹ کے مطابق بھارت میں تیار کردہ بیشتر آئی فونز کو یورپ اور مشرق وسطیٰ بھیجا جاتا ہے اور امکان ہے کہ مارچ 2023 تک ڈھائی ارب ڈالرز کے فونز برآمد کیے جائیں گے۔
ایک سال کے دوران بھارت سے آئی فونز کی برآمد میں لگ بھگ دگنا اضافہ ہوا ہے۔
ایپل نے 2022 کے شروع میں آئی فون 13 سیریز کی پروڈکشن بھارت میں شروع کی تھی اور گزشتہ دنوں آئی فون 14 کی تیاری کرنے کا اعلان کیا تھا۔
رپورٹ میں بتایا گیا کہ اپریل سے اگست کے دوران آئی فون 11، 12 اور 13 ماڈلز کو بھارت سے دیگر ممالک میں برآمد کیا گیا۔
خیال رہے کہ امریکی کمپنی کی جانب سے چین پر انحصار کم کرتے ہوئے بھارت اور ویتنام میں ڈیوائسز کی پروڈکشن کو بڑھانے پر کام کیا جارہا ہے۔
مزید خبریں :
انٹربینک میں ڈالر کی قیمت میں کمی، اوپن مارکیٹ میں اضافہ ہوگیا
25 نومبر ، 2024
پاکستان کی بیلاروس کو رکشے برآمدکرنےکی پیشکش
25 نومبر ، 2024
سونےکی بڑھتی قیمت کو بریک لگ گئی، فی تولہ سونا کتنا سستا ہوا؟
25 نومبر ، 2024
سونےکی قیمت میں مسلسل چھٹے روز اضافہ، فی تولہ سونا کتنےکا ہوگیا؟
23 نومبر ، 2024
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
