پاکستان
Time 05 اکتوبر ، 2022

مریم نواز لندن کیلئے روانہ ہو گئیں

فوٹو: فائل
فوٹو: فائل

پاکستان مسلم لیگ ن کی نائب صدر مریم نواز پاسپورٹ واپس ملنے کے اگلے ہی روز لندن کے لیے روانہ ہو گئیں۔

مریم نواز نے لندن روانگی کے لیے لاہور ائیرپورٹ پہنچنے سے قبل دادا، دادی اور  والدہ کی قبروں پر فاتحہ خوانی بھی کی۔

مریم نواز لاہور ائیرپورٹ سے نجی ائیر لائن کی پرواز کے ذریعے لندن کے لیے روانہ ہوئیں۔

خاندانی ذرائع کا کہنا ہے کہ مریم نواز تقریباً ایک ماہ لندن میں قیام کریں گی جس کے بعد ان کا اپنے والد نواز شریف کے ہمراہ وطن واپس آنے کا امکان ہے۔

واضح رہے کہ لاہور ہائیکورٹ کے حکم کے بعد گزشتہ روز مریم نواز کو ان کا پاسپورٹ واپس مل گیا تھا۔

مریم نواز اپنا پاسپورٹ لینے لاہور ہائیکورٹ پہنچیں جہاں انہوں نے رجسٹرار کے کمرے سے اپنا پاسپورٹ وصول کیا۔

مزید خبریں :