07 اکتوبر ، 2022 
کھیل
اسٹیڈیم آنے والے بچوں کو اسنیکس بھی مفت دیے جائیں گے/ فائل فوٹو
پاکستان جونیئر لیگ میں انٹری فری، بچوں کو اسنیکس بھی ملیں گے
07 اکتوبر ، 2022
لاہور : کرکٹ فینز کیلئے خوشخبری ہے کہ وہ پاکستان جونیئر لیگ کے میچز مفت میں دیکھ سکیں گے۔
پاکستان کرکٹ بورڈ کی جانب سے پاکستان جونیئر لیگ میں فری داخلے کا اعلان کرتے ہوئے کہا گیا ہے کہ اسٹیڈیم آنے والے بچوں کو اسنیکس بھی مفت دیے جائیں گے۔
قذافی اسٹیڈیم میں پی جے ایل کے میچز کا ٹکٹ 100 روپے کا رکھا گیا تھا، انڈر 18 کرکٹ فینز تعلیمی کارڈ دکھا کر اسٹیڈیم میں داخل ہو سکتے تھے لیکن اب پاکستان کرکٹ بورڈ نے سب کے لیے داخلہ فری کر دیا ہے۔
یاد رہے پی جے ایل میں آج 6 بجے بہاولپور رائیلز اور حیدر آباد ہنٹرز کے درمیان میچ کھیلا جائے گا۔
