07 اکتوبر ، 2022 
ٹک ٹاک میں متعدد نئے فیچرز متعارف
07 اکتوبر ، 2022
ٹک ٹاک کی جانب سے متعدد نئے فیچرز متعارف کرائے گئے ہیں تاکہ صارفین ویڈیو، ساؤنڈ، ٹیکسٹ اور دیگر چیزوں کو آسانی سے ایڈٹ کرسکیں۔
کمپنی کی جانب سے جاری بیان کے مطابق نئے ایڈیٹنگ ٹولز کی مدد سے صارفین اپنی ویڈیوز کو آسانی سے اسپلٹ اور trim کرسکتے ہیں۔
اسی طرح ٹیکسٹ کو ایڈٹ کرنے کے ساتھ ساتھ اس کی پوزیشن اپنی مرضی کے مطابق بدل سکتے ہیں جبکہ کلپ چلنے کی رفتار کو بھی بدل سکتے ہیں۔
ایڈیٹنگ ٹولز کی مدد سے صارفین ساؤنڈ اور ساؤنڈ ایفیکٹس کو بھی ایڈٹ کرسکتے ہیں۔
کمپنی نے بتایا کہ ان فیچرز سے ویڈیوز کو بنانے کا عمل زیادہ بہتر اور آسان ہوجائے گا۔
ایڈیٹنگ ٹولز سے ہٹ کر متعارف کرائے گئے دیگر نئے فیچرز میں انفرادی ویڈیوز میں زوم ان اور زوم آؤٹ کا فیچر بھی شامل ہے۔
ٹک ٹاک کے نئے فوٹو موڈ میں صارفین اب اپنی تصاویر کو میوزیکل بیک گراؤنڈز کے ساتھ بھی شیئر کرسکیں گے۔
فوٹو موڈ میں تیار کی جانے والی ویڈیوز اور دیگر مواد کے ساتھ 2200 حروف پر مبنی ٹیکسٹ لکھنا ممکن ہوگا۔
کمپنی نے بتایا کہ ہمیں توقع ہے کہ اس سے صارفین کو اپنی کہانی کو بیان کرنے میں زیادہ مدد ملے گی۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
