08 اکتوبر ، 2022 
کھیل
فوٹو: سوشل میڈیا
پاکستان نے ورلڈ ٹیم اسنوکر چیمپئن شپ میں بھارت کو ہرا کر سیمی فائنل میں جگہ بنالی
08 اکتوبر ، 2022
ملائیشیا میں جاری 72 ورلڈ ٹیم اسنوکر چیمپئن شپ میں پاکستان نے سیمی فائنل کے لیے کوالیفائی کرلیا ہے۔
پاکستان نے کوارٹر فائنل میں بھارت کو چار - دو سے شکست دے کر سیمی فائنل میں جگہ بنائی۔
فائنل فور میں جگہ بناکر پاکستان نے ایونٹ میں میڈل یقینی کرلیا ہے۔
پاکستان کی جانب سے بابر مسیح اور احسن رمضان پر مشتمل ٹیم نے لکشمن رووٹ اور کمل چاولہ پر مشتمل ٹیم کو ہرایا۔
احسن رمضان نے دونوں سنگلز جیتے، بابر کو ایک سنگل میں کامیابی حاصل ہوئی جب کہ ایک میں شکست ہوئی۔
دو ڈبلز میں سے ایک پاکستان اور ایک انڈیا جیتا،احسن رمضان نے کمل چاولہ کے خلاف 54 کا بریک بھی کھیلا۔
