11 اکتوبر ، 2022 
گھبرائیں نہیں اعتماد کریں ، سابق اوپنر بابر اور رضوان کی حمایت میں بول پڑے
11 اکتوبر ، 2022
سابق ٹیسٹ کرکٹر عمران فرحت کا کہنا ہے کہ ٹی ٹوئنٹی ورلڈ کپ سے قبل ٹیم میں تبدیلی کا فائدہ نہیں ہو گا۔
بائیں ہاتھ کے اوپننگ بیٹسمین عمران فرحت پاکستان جونیئر لیگ میں بہاولپور رائیلز کے کوچ ہیں جبکہ پاکستان کرکٹ بورڈ کے پاتھ وے پروگرام سے بھی منسلک ہیں۔
عمران فرحت نے جیو نیوز سے گفتگو کرتے ہوئے کہا کہ پاکستان کرکٹ ٹیم ٹی ٹوئنٹی ورلڈ کپ میں اچھا کرے گی ، جیتے گی،گھبرائیں مت، کھلاڑیوں کو بیک کریں اور انہیں اعتماد دیں ۔
انہوں نے کہا کہ 2 سال سے انہی کھلاڑیوں پر انویسٹ کیا گیا ہے ان کھلاڑیوں نےرزلٹ بھی دیے ہیں اب تبدیلی مناسب نہیں ہو گی تبدیلیاں جو بھی کرنا ہیں اب ورلڈ کپ کے بعد کریں۔
بابر اعظم اور محمد رضوان ٹیم کی اسٹرینتھ کے مطابق کھیل رہے ہیں
سابق اوپنر نے بابر اعظم اور محمد رضوان کے اسٹرائیک ریٹ پر ہونے والی تنقید کے بارے میں کہا کہ بابر اعظم اور محمد رضوان ٹیم کی اسٹرینتھ کے مطابق کھیل رہے ہیں، وکٹیں ہاتھ میں ہونا اچھی بات ہے، اوپنر اچھا آغاز دیتے ہیں تو اور کیا چاہیے اچھے آغاز کے بعد پھر مڈل آرڈر کو اچھا فنش کرنا چاہیے۔
پاکستان جونیئر لیگ سے متعلق گفتگو کرتے ہوئے عمران فرحت نے کہا کہ اس سے ماڈرن ڈے کرکٹرز ملیں گے پاکستان ٹیم کو جن چیزوں کی ضرورت ہے وہ آنے والے سالوں میں پی جے ایل سے مل جائے گی کھلاڑیوں میں پروفیشنل ازم آئے گا وہ جلد میچور ہوں گے اس سے پاکستان کرکٹ کو فائدہ ہی ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
