11 اکتوبر ، 2022 
مارک زکربرگ میٹا کا نیا ورچوئل رئیلٹی ہیڈسیٹ پیش کرنے کیلئے تیار
11 اکتوبر ، 2022
مارک زکربرگ نے اکتوبر 2022 میں فیس بک کمپنی کا نام بدل کر میٹا رکھ دیا تھا۔
نام کو بدلنے کا مقصد میٹا ورس کے قیام کے عمل کو تیز کرنا تھا اور اب مارک زکربرگ کی جانب سے اس حوالے سے ہونے والی پیشرفت سے آگاہ کیا جائے گا۔
میٹا کی سالانہ کنکٹ کانفرنس کے موقع پر کمپنی کے سی ای او مارک زکربرگ کی جانب سے پراجیکٹ کمبریا کو پیش کیا جائے گا۔
یہ ایک ایڈوانسڈ ورچوئل رئیلٹی ہیڈسیٹ ہے جس کا اشارہ مارک زکربرگ مختلف انٹرویوز اور سوشل میڈیا پوسٹس میں دے چکے ہیں۔
اس ڈیوائس میں ورچوئل رئیلٹی کے ساتھ مکسڈ رئیلٹی ٹیکنالوجی کا اضافہ کیے جانے کا بھی امکان ہے۔
اس ٹیکنالوجی سے چہرے اور آنکھوں کی ٹریکنگ سے زیادہ حقیقی نظر آنے والے ڈیجیٹل اواتارز اور گرافکس کو ان ایبل کرنا ممکن ہوجائے گا۔
میٹا کے سی ای او کی جانب سے ورچوئل رئیلٹی پر کافی عرصے سے کام کیا جارہا ہے مگر اب انہیں سرمایہ کاروں، کمپنی کے ملازمین اور عام صارفین کے سامنے اس کی اہمیت کو ثابت کرنا ہے۔
سرمایہ کاروں کی جانب سے میٹاورس پر شبہات ظاہر کیے جارہے ہیں جبکہ کمپنی کو شدید ترین مالی دباؤ کا سامنا ہے جس کے باعث سال کے آخر تک بھرتیوں کو روک دیا گیا ہے۔
اس کانفرنس کے دوران میٹاورس کی فلگ شپ ایپ Horizon Worlds کے بارے میں بھی تفصیلات بتائی جائیں گی۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
