12 اکتوبر ، 2022 
اماراتی کرکٹرز کو کرپٹ کرنیوالے بھارتی شہری پر 14 سال کی پابندی
12 اکتوبر ، 2022
انٹرنیشنل کرکٹ کونسل (آئی سی سی ) نے متحدہ عرب امارات کے کرکٹرز کو کرپٹ کرنے والے بھارتی شہری کو سزا سنا دی۔
آئی سی سی نے مختلف مواقع پر فکسنگ کی کوشش کے الزام میں میہر چیاکر پر 14 سال کی پابندی عائد کی۔
آئی سی سی کا کہنا ہے کہ میہر چیاکر نے 2019 میں متحدہ عرب امارات اور زمبابوے کے درمیان ہونے والی سیریز فکس کرنے کی کوشش کی اور اماراتی کرکٹرز قدیر خان اور غلام شبیر کو فکسنگ کی پیشکشں کی۔
انٹرنیشنل کرکٹ کونسل نے کہا کہ ایک کھلاڑی کو گلوبل ٹی ٹوئنٹی کھلانے کی لالچ دے کر فکسنگ پر اکسایا۔
اس حوالے سے آئی سی سی کا کہنا ہے کہ میہر چیاکر نے آئی سی سی کی تحقیقات میں شامل ہونے سے بھی گریز کیا، ان کو اینٹی کرپشن کوڈ کی 7 دفعات کی خلاف ورزی پر سزا دی گئی ہے۔
