15 اکتوبر ، 2022 
ہم اپنا 100 فیصد دینگے، یہ آپ سب کی ٹیم ہے: شاداب خان
15 اکتوبر ، 2022
پاکستان کرکٹ ٹیم کے کھلاڑی ٹی ٹوئنٹی ورلڈ کپ کے لیے نیوزی لینڈ کے شہر کرائسٹ چرچ سے میلبرن روانہ ہوگئے۔
آل راؤنڈر شاداب خان نے ٹوئٹر پر اپنے ہمراہ محمد نواز اور حارث رؤف کی تصویر شیئر کی اور ہلکے پھلکے انداز میں بتایا کہ یہ تصویر لینے کا پلان حارث کا تھا اور ہم ہمیشہ کی طرح چیف نواز کو بھول گئے۔
کرکٹر نے بتایا کہ ہم ورلڈ کپ کے لیے روانہ ہورہے ہیں، فینز سے کہوں گا کہ ہمیں سپورٹ کرتے رہیں۔
شاداب نے کہا کہ یہ آپ سب کی ٹیم ہے، ہم ورلڈ کپ میں اپنی 100 فیصد کوشش کریں گے۔
خیال رہے کہ قومی کرکٹ ٹیم کے کپتان بابر اعظم ٹی ٹوئنٹی ورلڈ کپ میں شرکت کے لیے ٹیم سے قبل ہی آسٹریلیا پہنچ گئے ہیں۔
بابر اعظم میلبرن میں کپتانوں کی پریس کانفرنس کی وجہ سے گزشتہ روز ہی آسٹریلیا روانہ ہوگئے تھے۔
